سنڌ پبلڪ سروس ڪميشن ۾ پيپر آئوٽ ٿيڻ سبب امتحان ملتوي، اميدوارن جو احتجاجي مظاهرو

سنڌ جي مختلف شهرن ۾ سنڌ پبلڪ سروس ڪميشن ۾ سينيئر اسڪول ٽيچر جي ڀرتي لاءِ پيپر آئوٽ ۽ امتحان ملتوي ٿيڻ خلاف اميدوارن پاران احتجاجي  مظاهرو ڪيو ويو. حيدرآباد ۾سنڌ پبلڪ سروس ڪميشن ۾ سينيئر اسڪول ٽيچر جي ڀرتي لاءِ پيپر آئوٽ ٿيڻ خلاف اميدوارن پاران ٿڌي سڙڪ روڊ تي ڌرڻو هنيو ويو. لاڙڪاڻي ۾ سنڌ پبلڪ سروس ڪميشن جو پيپر آئوٽ ٿيڻ خلاف اميدوارن پاران فرمان علي ميمڻ، شفيع محمد جتوئي، نثار احمد لاشاري ۽ ٻين جي اڳواڻي ۾ احتجاجي مظاهرو ڪيو ويو. مظاهرين جو چوڻ آهي ته سنڌ پبلڪ سروس ڪميشن ۾ ميرٽ جو قتل عام ٿي رهيو آهي، غلط پيپر ملڻ جي شڪايت تي انتظاميا  پيپر ئي ملتوي ڪري ڇڏيو. هنن اعليٰ اختيارين کان مطالبو ڪيو ته معاملي جو نوٽيس وٺي ذميوارن خلاف ڪارروائي ڪئي وڃي……….