سنڌ ۾ ايراني تيل، يوريا ڀاڻ، کنڊ سمگلرن ۽ ذخيرو ڪندڙن خلاف ڪريڪ ڊائون

سنڌ ۾ ايراني تيل، يوريا ڀاڻ، کنڊ سمگلرن، منافعي خورن ۽ شيون ذخيرو ڪندڙن خلاف ڪريڪ ڊائون جو فيصلو ڪيو ويو آهي.

سنڌ حڪومت پاران وفاقي گهرو وزارت جي هدايت تي صوبي جي ڪمشنرن کي آپريشن جو حڪم جاري ڪيو ويو آهي.

سنڌ حڪومت طرفان ڪمشنرن کي ڪارروايون ڪري 18 سيپٽمبر تائين تفصيلي رپورٽ ڏيڻ جو حڪم جاري ڪيو ويو آهي.

سنڌ سرڪار جو چوڻ آهي ته وفاقي ۽ صوبائي ادارا عام واهپي جي شين جي قيمتن تي ضابطي لاءِ پنهنجو ڪردار ادا ڪن.

سنڌ حڪومت جو چوڻ آهي ته معاملو رڳو هڪ رپورٽ تائين محدود نه ڪيو وڃي، هفتيوار تفصيلي رپورٽ به پيش ڪئي وڃي.