سيد خورشيد شاهه، ارسا ايڪٽ تي تبصرو ڪرڻ کي غير ضروري قرار ڏئي ڇڏيو

پ پ جي سينيئر اڳواڻ سيد خورشيد شاهه، ارسا ايڪٽ تي تبصرو ڪرڻ کي غير ضروري قرار ڏئي ڇڏيو، سندس چوڻ آهي ته ارسا ايڪٽ بابت کيس خبر ناهي، ايڪٽ ناهي ڏٺو، ان ڪري تبصرو نه ڪندو. اسلام آباد ۾ سنڌ ٽي وي نيوز سان ڳالهائيندي سيد خورشيد شاهه چيو ته ارسا ايڪٽ تي تبصرو غير ضروري آهي، اهڙا معاملا نه کنيا وڃن، ارسا ايڪٽ بابت ايوان صدر ۾  ٿيل گڏجاڻي بابت کيس ڄاڻ نه آهي. پ پ اڳواڻ چيو ته اهڙو ڪو به ڪم نه ڪيو وڃي، جنهن سان وفاق کي نقصان ٿئي، هن قومي اسيمبلي ۾ 48 لک ايڪڙ زمين لاءِ پاڻي واري ڳالهه پاڪستان بچائڻ لاءِ ڪئي آهي ۽ آخري ساهه تائين ڪندو رهندو. سيد خورشيد شاهه چيو ته قومپرستن سنڌ ۾ سياست کي چمڪائڻ لاءِ ريلوي جي پٽڙين کي نقصان پهچايو.