سينيٽ جي سنڌ ۾ 12 سيٽن تي اميدوارن جي ڪاغذن جي ڇنڊڇاڻ جو عمل شروع

سينيٽ جي سنڌ ۾ 12 خالي سيٽن تي اميدوارن جي نامزدگي ڪاغذن جي ڇنڊ ڇاڻ جو عمل شروع جيڪو سڀاڻي تائين جاري رهندو. مجموعي طور تي 35 اميدوارن نامزدگي فارم جمع ڪرايا هئا. پيپلز پارٽي، ايم ڪيو ايم، پي ٽي آءِ حمايت يافته آزاد ۽ آزاد اميدوارن نامزدگي فارم جمع ڪرايا. جنرل سيٽن تي 21 اميدوارن ۽ عورتن جي سيٽن تي 6 اميدوارن نامزدگي ڪاغذ جمع ڪرايا هئا. ٽيڪنوڪريٽ جي سيٽن تي پنجن اميدوارن ۽ اقليتي سيٽن تي ٽن اميدوارن فارم جمع ڪرايا هئا. اميدوارن جي نامزدگي ڪاغذن جي ڇنڊ ڇاڻ جو عمل اڄ کان شروع ٿي ويو آهي جيڪو سڀاڻي تائين جاري رهندو. 21 مارچ تائين نامزدگي ڪاغذن جي منظور يا رد ٿيڻ خلاف اپيلون ڪري سگهبيون. 25 مارچ تائين ٽربيونل پاران اپيلن تي فيصلو ڪيو ويندو ۽ 2 اپريل تي سنڌ اسيمبليءَ ۾ چونڊ ٿيندي.