سپريم ڪورٽ جو سينيئر ترين جج جسٽس منصور علي شاهه ترميمي آرڊيننس تي خدشن جو اظهار ڪري ڇڏيو

سپريم ڪورٽ جو سينيئر ترين جج جسٽس منصور علي شاهه ترميمي آرڊيننس تي خدشن جو اظهار ڪندي ڪميٽيءَ جي اجلاس ۾ بنا شرڪت هليو ويو، جسٽس منظور  اجلاس ۾ شرڪت نه ڪرڻ جا سبب خط ذريعي ڪميٽيءَ کي ٻڌايا آهن. سپريم ڪروٽ ۾ پريڪٽس اينڊ پروسيجر ايڪٽ تحت ججن واري ڪميٽيءَ جو اجلاس ٿيو، ذريعن موجب جسٽس منصور علي شاهه ججن واري ڪميٽيءَ ۾ شرڪت کانسواءِ ئي هليو ويو. هوڏانهن سپريم ڪورٽ جي سينيئر ترين جج جسٽس منصور علي شاهه ججن واري ڪميٽيءَ کي خط لکي ڪميٽيءَ ۾ شموليت کان انڪار جا سبب ٻڌائي ڇڏيا آهن. جسٽس منظور علي شاهه لکيل خط ۾ چيو ته هن سپريم ڪورٽ جي پريڪٽس اينڊ پروسيجر ايڪٽ ترميمي آرڊيننس تحت قائم ڪيل ڪميٽيءَ ۾ شموليت کان انڪار ڪيو. هن چيو ته پريڪٽس اينڊ پروسيجر ايڪٽ ٺاهڻ جو فيصلو فل ڪورٽ جو هو، ان ۾ تبديلي يا ته فل ڪورٽ بئنج يا فل ڪورٽ اجلاس ذريعي ئي ممڪن آهي. جسٽس منصور علي شاهه خط ۾ چيو ته چيف جسٽس قاضي فائز عيسيٰ طرفان اڳ واري ڪميٽي بحال ڪرڻ تائين هو اجلاس ۾ شرڪت نٿو ڪري سگهي. خط ۾ جسٽس منصور علي شاهه چيو ته تڪڙ ۾ پريڪٽس اينڊ پروسيجر آرڊيننس آندو ويو، سندس خط کي اجلاس جي منٽس جو حصو  بڻايو وڃي.