- Advertisement -
سچل سرمست جو ميلو گهمڻ لاءِ آيل نوجوان پنهنجي ئي دوست جي گولي لڳڻ سبب دم ڏئي ڇڏيو آهي.
ٽنڊو مستي واسي شاهد خاصخيلي پنهنجي ئي دوست عامر علي مري سان گڏ سچل سرمست جو ميلو گهمڻ لاءِ پهتو.
ميلي ۾ پهچڻ بعد شاهد خاصخيلي پنهنجي دوست عامر علي مري جي گولي لڳڻ سبب زخمي ٿي پيو.
نوجوان کي ڳڻتي جوڳي حالت ۾ اسپتال نيو ويو جتي هن دم ڌڻي حوالي ڪيو.
پوليس عامر مري کي گرفتار ڪري پسٽل هٿ ڪري ورتو.
پوليس جو چوڻ آهي ته شاهد خاصخيلي ميلي ٻاهران پارڪنگ ۾ گاڏي پارڪ ڪري رهيو ته سندس دوست جي پسٽل مان فائر ٿيڻ سبب هو زخمي ٿي پيو جنهن کي اسپتال نيو ويو جتي هن دم ڌڻي حوالي ڪيو.
عامر علي مري ٻڌايو ته گولي اتفاقي طور پسٽل مان فائر ٿي وئي آهي.- Advertisement -
