سکر بئراج جا دروازا ڪرڻ بابت جوڙيل جاچ ڪاميٽي پاران تيار ڪيل رپورٽ ۾ اهم ڇرڪائيندڙ انڪشاف

سکر بئراج جا دروازا ڪرڻ بابت جوڙيل جاچ ڪاميٽي پاران تيار ڪيل رپورٽ ۾ اهم ڇرڪائيندڙ انڪشاف ٿيا آهن. پهرين جولاءِ تي جوڙيل جاچ ڪاميٽي تفصيلي رپورٽ تيار ڪري سيڪريٽري ايريگيشن ظريف کيڙو ڏانهن اماڻي ڇڏي آهي. ذريعن موجب تفصيلي رپورٽ ۾ دروازا ڪرڻ جي فني سببن بابت اهم ۽ ڇرڪائيندڙ انڪشاف ٿيا آهن. ذريعن موجب سکر بيراج تي مقرر هڪ اڳوڻي بااثر چيف انجنيئر جي دور ۾ ڪيل ڪوتاهين واري معاملي تي ڪميٽي ۾ اختلاف پڻ آهن. ذريعن موجب سيڪريٽري ايريگيشن ظريف کيڙو ايندڙ ڪجهه ڏينهن ۾ جاچ ڪاميٽي پاران تيار ڪيل تفصيلي رپورٽ پڌري ڪندو.