- Advertisement -
شام ۾ اڳوڻي صدر بشارالاسد جي حامين جي حملن جي نتيجي ۾ 14 شامي فورسز جي اهلڪار مارجي ويا ۽ 10 زخمي ٿي پيا.
پرڏيهي ميڊيا موجب، بشار الاسد جي ملٽري جسٽس ڊپارٽمينٽ جي ڊائريڪٽر محمد ڪانجو حسن جي گرفتاري دوران چڪريون ٿيون.
شامي گهرو وزير جو چوڻ آهي ته محمد حسن ڪانجو جي گرفتاري لاءِ ويندڙ ٽيم تي حملو ڪيو ويو.
سندس چوڻ هو ته محمد حسن ڪانجو سيد نايا جيل ۾ ظلمن جو ذميوار آهي.
شامي باغين جي انتظاميه موجب بشار الاسد جي حامي فورسز جي حملن جي نتيجي ۾ گهرو وزارت جا 14 اهلڪار شهيد ٿي ويا ۽ 10 زخمي ٿيا آهن.
برطانيا ۾ قائم سيريبين آبزرويٽري فار هيومن رائٽس موجب چڪرين ۾ 3 ويڙهاڪ به مارجي ويا آهن.
شام جي مختلف علائقن ۾ ڪرسمس جي تقريبن دوران مظاهرن ۽ چڪرين دوران ڪيترائي ماڻهو مارجڻ جا اطلاع آهن.
باغين جي انتظام هيٺ هلندڙ مظاهرن کانپوءِ حمص، بنياس ۽ جبلا ۾ ڪرفيو لاڳو ڪري ڇڏيو آهي.- Advertisement -
