قانون ۽ انساني حقن واري نگران صوبائي وزير عمر سومري چيو آهي ته شهيد صحافي جان محمد مهر ۽ نينگري فاطمه جي قاتلن کي انجام تائين پهچايو ويندو، حنا شاهه به جلد گرفتار ٿيندي، مٿن ڪو به دٻاءُ ناهي.
نوشهروفيرز تعلقي بار ڀرياسٽي ۾ نگران صوبائي وزير عمر سومري جي مان ۾ آجياڻو ڏون ويو، جنهن ۾ سنڌ بار جي ميمبرن سميت وڪيلن وڏي انگ ۾ شرڪت ڪئي.
ان موقعي تي نگران صوبائي وزير ضلعي جي مختلف بارن کي ليپ ٽاپ، انٽرنيٽ ڪنيڪشن ۽ پي ايل ڊي ڪنيڪشن ڏيڻ جو اعلان ڪيو ۽ چيو ته ڪراچي ۽ ملير بار جيان نوشهروفيروز بار کي ساڍا نو ايڪڙ زمين وڪيلن جي رهائشي ڪالوني لاءِ ڏني ويندي.
عمر سومري چيو ته فاطمه ڦروڙ ۽ شهيد صحافي جان محمد مهر جي قاتلن کي انجام تائين پهچايو ويندو، جان محمد مهر جا قاتل ڪچي فرار ٿيل آهن، جن لاءِ ڪچي ۾ آپريشن ضروري آهي.
نگران صوبائي وزير چيو ته فاطمه ڦرڙو قتل ڪيس ۾ حنا شاهه کي به گرفتار ڪيو ويندو، مٿن ڪو به دٻاءُ ناهي.
