- Advertisement -
گهوٽڪي جي عدالت ميرپور ماٿيلي جي شهيد صحافي نصرالله گڏاڻي قتل ڪيس ۾ پ پ ايم اين اي خالد لنڊ ۽ سندس پٽن جي عبوري ضمانت ۾ 26 آگسٽ تائين واڌ ڪري ڇڏي.
شهيد صحافي نصرالله گڏاڻي جي قتل ڪيس جي ٻڌڻي گهوٽڪي جي عدالت ۾ ٻڌڻي ٿي.
نصرالله گڏاڻي جي قتل ڪيس ۾ جوابدار ڄاڻايل پ پ ايم اين اي خالد احمد خان لنڊ، سندس پٽ شھباز لنڊ ۽ نور محمد لنڊ عدالت ۾ پيش ٿيا.
ڪيس جي فريادڻ شھيد صحافي نصرالله گڏاڻي جي امڙ امان پٺاڻي گڏاڻي به عدالت ۾ پيش ٿي.
عدالت ٻنھي ڌرين جي وڪيلن جا دليل ٻڌڻ بعد پيپلز پارٽي جي ايم اين اي خالد لنڊ ۽ سندس پٽن شھباز لنڊ ۽ نور محمد لنڊ جي عبوري ضمانت ۾ 26 آگسٽ تائين واڌ ڪئي.
جاچ آفيسر سراج لاشاري ڳالهائيندي چيو ته جاچ رپورٽ عدالت ۾ پيش ڪئي آھي، عدالت سومر تي پنھنجو فيصلو ٻڌائيندي.
خالد لنڊ جي وڪيل منصور علي چيو ته خالد لنڊ ۽ سندس پٽن شھباز لنڊ ۽ نور محمد لنڊ جي پڪي ضمانت منظور ٿيڻ يا رد ٿيڻ بابت عدالت سومر جي ڏينھن فيصلو ٻڌائيندي.- Advertisement -
