شوال جو چنڊ نظر اچي ويو

شوال جو چنڊ نظر اچي ويو آهي، سنڌ سميت سڄي ملڪ ۾ عيد الفطر اڄ ملهائي ويندي. شوال جو چنڊ ڏسڻ لاءِ چنڊ ڏسڻي مرڪزي ڪميٽيءَ جو اجلاس چيئرمين ابو الخبير آزاد جي صدارت هيٺ ٿيو، جڏهن ته ڪراچي، لاهور، پشاور ۽ ڪوئيٽا ۾ زونل ڪميٽين جا اجلاس ٿيا. ڪراچي، لاهور ۽ ڪوئيٽا جي زونل ڪميٽيءَ چنڊ نظر نه اچڻ جو اعلان ڪيو، جڏهن ته پشاور جي زونل ڪميٽيءَ کي  چنڊ نظر اچڻ جون شاهديون مليون، جيڪي مرڪزي ڪميٽيءَ ڏانهن موڪليون ويون، جنهن شاهدين جو جائزو ورتو. اجلاس بعد مرڪزي چنڊ ڏسڻي ڪميٽيءَ جي چيئرمين ابوالخبير آزاد پريس ڪانفرنس ڪندي شوال جو چنڊ نظر اچڻ جو اعلان ڪيو. سندس چوڻ هو ته پاڪستان ۾ عيد جو چنڊ نظر اچي ويو آهي، عيد الفطر اڄ ملهائي ويندي. هن چيو ته  ڪي پي جي مختلف شهرن سميت ٻين هنڌن تا شوال جو چنڊ نظر اچڻ جون شاهديون مليون