- Advertisement -
شڪارپور ويجهو مارفاڻي ۽ ڀيا برادري جي ٻن ڌرين ۾ ڇڪتاڻ برقرار آهي، معرفاڻي برادري جي هٿياربندن ڀيا برادري جي ماڻهن مٿان ٻيهر حملو ڪيو جنهن جي نتيجي ۾ هڪ ڄڻو مارجي ويو جنهن کانپوءِ 24 ڪلاڪن اندر مارجي ويلن جو انگ 4 ٿي ويو.
عبدالرحمان معرفاڻي ڌر جي ماڻهن ذوالفقار ڀيو ڌر جي ماڻهن تي ٻيهر حملو ڪيو، فائرنگ جي نتيجي ۾ هڪ ڄڻو نصير پٽ ڀورو ڀيو مارجي ويو ۽ ٻه ڄڻا زخمي ٿي پيا.
جهان واهه پوليس ڀيا برادري مٿان ڏينهن ۾ ٻيو ڀيرو حملو ٿيڻ جي تصديق ڪري ڇڏي.
پوليس جو چوڻ آهي ته ڀيو برادري جا ماڻھو ٻن عورتن سميت ٽن ڄڻن جي تدفين بعد واپس وڃي رھيا ھئا ته وري مارفاڻي ڌر حملو ڪيو.- Advertisement -
