صدر آصف علي زرداريءَ چيو آهي ته سنڌ ۾ امن امان جي بحاليءَ ۾ سمورن اسٽيڪ هولڊرن کي هو گڏ کڻي هلندا.
صدر آصف زرداريءَ سان ايم ڪيو ايم جي وفد خالد مقبول جي اڳواڻي ۾ وزيراعليٰ هائوس ۾ صدر سان ملاقات ڪئي، جنهن ۾ ڊاڪٽر فاروق ستار ۽ مصطفيٰ ڪمال به شامل هو.
ملاقات ۾ وڏو وزير سيد مراد علي شاهه ۽ وفاقي گهرو وزير محسن نقوي به موجود هئا.
خالد مقبول صديقي آصف علي زرداريءَ کي صدر جو عهدو سنڀالڻ تي واڌايون ڏنيون.
ايم ڪيو ايم وفد صدر سان ڪراچيءَ جي امن امان سميت سياسي صورتحال تي ڳالهيون ڪيون، جڏهن ته گورنر جي تبديليءَ بابت به ڳالهه ٻولهه ڪئي وئي.
ان موقعي تي صدر چيو ته امن امان جي بحاليءَ ۾ سمورن اسٽيڪ هولڊرن کي هو گڏ کڻي هلندا.
ايم ڪيو ايم وفد صدر آصف زرداريءَ کي ڀرپور سهڪار جي خاطري ڪرائي