صدر آصف زرداري طرفان سک برادري کي مذهبي تهوار جي موقعي تي مبارڪ

صدر آصف علي زرداري سکن جي مذهبي تهوار بيساکي تي سک برادري کي واڌايون ڏنيون آهن. صدر آصف علي زرداري جو چوڻ آهي ته بيساکي جو تهوار امن ۽ سلامتي جو پيغام ڏئي ٿو. هن چيو ته بيساکي جو ڏڻ خوشين ۽ محبت جو پيغام به ڏئي ٿو. صدر چيو ته پاڪستان کي پنهنجي ثقافتي ورسي  تي فخر آهي، سک برادري جي سهولتن لاءِ هر ممڪن قدم کنيا ويندا. آصف علي زرداري چيو ته پاڪستان اقليتن ۽ انهن جي حقن جي تحفظ لاءِ پر عزم آهي، ملڪي ترقي ۾ اقليتن جي ڪردار کي قدر جي نظر سان ڏٺو ويندو آهي.