پ پ چيئرمين بلاول ڀٽو زرداري برسات دوران جاني نقصان تي افسوس جو اظهار

پ پ چيئرمين بلاول ڀٽو زرداري برسات دوران پنجاب، ڪي پي ۽ بلوچستان ۾ٿيل جاني نقصان تي افسوس جو اظهار ڪيو آهي. پ پ چيئرمين بلاول ڀٽو زرداري جو چوڻ آهي ته پنجاب ۽ ڪي پي جي مختلف علائقن ۾ برسات دوران جاني نقصان تي صدمو پهتو آهي. سند چوڻ هو ته ڏکڻ پنجاب جي ضلعن بهاولپر، بهاولنگر، رحيم يارخان، مظفر ڳڙهه، راجن پور ۽ لوڌران ۾ ٿيل جاني نقصان تي کيس ڏک پهتو آهي. پ پ چيئرمين چيو ته پنجاب   حڪومت کي برساتي ٻوڏ ۾ ڦاٿل ماڻهن جي ڀرپور مدد ڪرڻ گهرجي. هن چيو ته ڪي پي جي حڪومت ۽ ڊزاسٽر مينيجمينٽ لينڊ سلائيڊنگ سبب ڦاٿل شهرين جي مدد ڪن. بلاول ڀٽو زرداري چيو ته چمن، ڊيرا بگٽي ۽ ڪوهلو سميت بلوچستان جي مختلف علائقن ۾برسات دوران ٿيل جاني ۽ مالي نقصان تي کيس صدمو پهتو آهي. پ پ چيئرمين چيو ته کيس يقين آهي ته بلوچستان جي عوامي حڪومت برسات متاثرن کي هن ڏکي گهڙي ۾ اڪيلو نه ڇڏيندي. بلاول ڀٽو زرداري چيو ته ملڪ ۾ وڄ ڪرڻ جي واقعن ۾ واڌ موسمياتي تبديلي جي ڪري آهي…………..