صدر آصف علي زرداري سان منظور وساڻ جي پريزيڊنٽ هائوس ۾ ملاقات، ملڪي سياسي صورتحال تي خيالن جي ڏي وٺ

صدر آصف علي زرداري سان پيپلز پارٽي سنڌ جي سينيئر نائب صدر ۽ اڳوڻي صوبائي وزير منظور حسين وساڻ اهم ملاقات ڪئي آهي. ايوان صدر ۾ ٿيل ملاقات دوران ٻنهي اڳواڻن سياسي صورتحال بابت خيالن جي ڏي وٺ ڪئي. اڳوڻي صوبائي وزير منظور وساڻ، صدر آصف علي زرداري کي خيرپور جي صورتحال خاص طور پنهنجي تڪ ڪوٽڏيجي بابت آگاهه ڪيو. صدر آصف علي زرداري کي بريفنگ ڏيندي منظور وساڻ چيو ته سندس تڪ اندر ترقياتي ڪم تيزي سان جاري آهن. صدر آصف علي زرداري، منظور  وساڻ جي تڪ ۾ ڪيل خدمتن جي ساراهه ڪئي.