صدر آصف علي زرداري ٽيڪس قانون بابت ترميمي بل 2024ع جي منظوري ڏئي ڇڏي

صدر آصف علي زرداريءَ ٽيڪس قانون بابت ترميمي بل 2024ع جي منظوري ڏئي ڇڏي. صدر ٽيڪس قانونن ۾ ترميمي بل جي منظوري آرٽيڪل 75 تحت ڏني، بل جو مقصد ٽيڪسن ۽ ڊيوٽيز بابت قانونن ۾ ترميم آڻڻ آهي. ترميمي بل ذريعي سيلز ٽيڪس ايڪٽ 1990 جي سيڪشن 30 ڊي، 43، ڊي، 45 بي، 46 ۽ 47 ۾ ترميم ڪئي وئي آهي. ترميمي بل جي مدد سان وفاقي ايڪسائيز ايڪٽ 2005 جي سيڪشن 29، 33، 34 ۽ 38 ۾ ترميم ڪئي وئي آهي. ترميم بل ذريعي انڪم ٽيڪس آرڊيننس 2001ع جي سيڪشن 122 ايَ، 124، 126 ايَ ،130، 131، 132، 133 ۽ 134 ايَ ۾ ترميم ڪئي وئي آهي. ٽيڪس قانون ۾ ترميم وارو بل 29 اپريل 2024ع تي پاس ٿيو، صدر بل جي منظوري وزيراعظم جي ايڊوائس تي ڏني.