سکر جي ڪچي واري علائقي ۾ پوليس چيڪ پوسٽ تي ڌاڙيلن جي حملي جو صوبائي گهرو وزير نوٽيس ورتو

صوبائي گهرو وزير ضياءُ الحسن لنجار سکر جي ڪچي واري علائقي ۾ پوليس چيڪ پوسٽ تي ٿيل حملي ۾ شهيد ٿي ويل اهلڪار ۽ هڪ زخمي جو نوٽيس وٺندي رپورٽ طلب ڪري ورتي آهي. صوبائي گهرو وزير ضياءُ الحسن لنجار پوليس چيڪ پوسٽ تي حملي جو نوٽيس وٺندي ايس ايس پي سکر امجد شيخ کان واقعي بابت تفصيل طلب ڪري ورتا آهن. ان موقعي تي صوبائي گهرو وزير ضياءُ الحسن لنجار ايس ايس پي سکر کي هدايت ڪئي ته ڌاڙيلن خلاف ٿيندڙ آپريشن وڌيڪ تيز ڪري موثر بڻايو وڃي. هن چيو ته حملي ۾ ملوث ڌاڙيلن جي سهولتڪارن خلاف به ڪارروائي ڪري کين سخت سزا ڏني وڃي. صوبائي گهرو وزير حڪم ڏنو ته ڌاڙيلن خلاف ڪارروائي کي موثر بڻائيندي سندن ٿاڪن کي ختم ڪيو وڃي.