ظهران ممداني جي ميئر ٿيڻ کانپوءِ هاڻي شهري نيويارڪ ڇڏي فلوريڊا منتقل ٿي ويندا : ڊونلڊ ٽرمپ

امريڪي صدر ڊونلڊ ٽرمپ دعوى ڪئي آهي ته ظهران ممداني جي ميئر ٿيڻ کانپوءِ هاڻي شهري نيويارڪ ڇڏي فلوريڊا منتقل ٿي ويندا. ميامي ۾ بزنس فورم کي خطاب ڪندي صدر ٽرمپ چيو ته نيويار سٽي اليڪشن واري ڏينهن پنهنجي خودمختياري وڃائي ڇڏي، هاڻي ڏسڻو آهي ته ظهران ممداني نيويارڪ ۾ڪيئن ڪم ڪري ٿو، هو چاهين ٿا ته نيويارڪ ڪامياب ٿئي ان لاءِ ٿوري مدد ڪندا. ٽرمپ ڇيو ته هاڻي ميامي به جلد نيويارڪ سٽي کان ايندڙ ماڻهن لاءِ پناگاهه بڻجي ويندو ڇاڪاڻ ته اتان جا ماڻهو ممداني جي ڪميونسٽ نظرئي کان بچڻ چاهين ٿا. صدر ٽرمپ چيو ته چونڊيل ميئر کي واشنگٽن سان هڪ نئون تعلق قائم ڪرڻ گهرجي، جيڪڏهن زهران ممداني سهڪار نه ڪندو ته کيس وڏو نقصان پئجي سگھي ٿو. هن چيو ته هو زهران ممداني سان ڳالهائڻ لاءِ تيار آهي، جيڪڏهن ممداني ڪامياب ٿيڻ چاهي ٿو ته کيس واشنگٽن جو احترام ڪرڻو پوندو. ٽرمپ اهو به چيو ته آمريڪا ايٽمي طاقت ۾ پهرين نمبر تي آهي پر ان جي اعتراف سان نفرت آهي، روس ٻئين ۽ چين ٽئين نمبر تي آهي، چين 4 کان 5 سالن ۾ امريڪا جي برابر ٿي ويندو. آمريڪي صدر جو وڌيڪ چوڻ هو ته ڏکڻ آفريڪا کي هاڻي جـِي 20 ملڪن جي گروپ جو حصو نه هجڻ گهرجي ۽ هو هلندڙ مهيني جي آخر ۾ ڏکڻ آفريڪا ۾ ٿيندڙ جـِي 20 ملڪن جي سربراهي اجلاس ۾ شرڪت نه ڪندو.