- Advertisement -
عالمي مالياتي اداري آءِ ايم ايف حڪومت کان بجلي اگهن ۾ وڌيڪ 5 رپيا في يونٽ اضافي جو مطالبو ڪيو آهي.
ذريعن موجب بجلي اگهن ۾ اضافي جي تجيوز پاڪستان ۽ آءِ ايم ايف وچ ۾ ٿيل تازي ورچوئل را بطي ۾ ڏني وئي.
پاڪستاني اختيارين آءِ ايم ايف کي ورچوئل اجلاس دوران بجيٽ جي ڏکين فيصلن بابت آگاهه ڪيو ۽ آءِ ايم ايف کي گيس جي اگهن ۾ اضافي لاءِ کنيل قدمن تي بريفنگ ڏني.
ذريعن موجب آءِ ايم ايف 10 جولاءِ کان اڳ 5 رپيا في يونٽ بجلي مهانگي ڪرڻ جو مطالبو ڪيو ۽ بجيٽ ۾ سخت معاشي فيصلن ۽ گيس مهانگي ڪرڻ وارن قدمن جي ساراهه ڪئي.
آءِ ايم ايف معيشت جي بهتريءَ لاءِ هيل تائين ڪيل قدمن تي به اطمينان جو به اظهار ڪيو، آءِ ايم ايف سان نئين قرض پروگرام جو معاهدو هلندڙ مهيني طئه ٿيڻ جو امڪان آهي.
نئين قرض پروگرام تي اسٽال سطح تي ڳالهيون مئي ۾ ٿي چڪيون آهن، حڪومت مئي کان هيل تائين اڪثر حدف حاصل ڪري ورتا آهن- Advertisement -
