عدالتي سڌارا پارليامينٽ مان منظور ڪرائڻ بابت تيارين جي سلسلي ۾ وزيراعظم طرفان حڪومتي اتحادي پارلياماني ميمبرن کي آجياڻو ڏنو پيو وڃي

عدالتي سڌارا پارليامينٽ مان منظور ڪرائڻ بابت تيارين جي سلسلي ۾ وزيراعظم شهباز شريف طرفان حڪومتي اتحادي پارلياماني ميمبرن کي آجياڻو ڏنو پيو وڃي، جڏهن ته حڪومتي اتحاد جي پارليامينٽ ميمبرن کي سومر تائين اسلام آباد ۾ رهڻ جي هدايت ڪئي وئي آهي. وزيراعظم شهباز شريف حڪومتي اتحادي پارٽين جي قومي اسيمبلي ۽ سينيٽ ميمبرن کي آجياڻي تي گهرائي ورتو. وزيراعظم شهباز شريف طرفان آجياڻي جو انتظام وزيراعظم آفيس ۾ ڪيو پيو وڃي. حڪومت پنهنجي ميمبرن جي مڪمل حاضري کي يقيني بڻائي رهي آهي. وزيراعظم حڪومتي اتحاد جي سمورن پارليامينٽ ميمبرن کي سومر تائين اسلام آباد ۾ رهڻ جي هدايت ڪئي. حڪومت جميعت علماءَ اسلام ف جي مڪمل حمايت حاصل ڪرڻ لاءِ به متحرڪ آهي. حڪومت کي جي يو آءِ سميت وڌيڪ چئن ميمبرن جي حمايت گهربل آهي.