- Advertisement -
غزا ۾ اسرائيلي فورسز جي بمباري ۾ وڌيڪ 52 فلسطيني شهيد ٿي ويا آهن.
غزا ۾ انسانيت جو ڪوس جاري آهي، پرڏيهي ميڊيا موجب غزا جي مختلف علائقن ۾ اسرائيلي فورسز جي بمباري ۽ حملن ۾ وڌيڪ 52 فلسطيني شهيد ٿي ويا.
دير البلاح ۾ اسرائيل فوج جي ميزائل حملي سبب 12 ڄڻا شهيد ٿي ويا، جڏهن ته اتر غزا ۾ حملن ۾ عورتن ۽ ٻارن سميت 26 ڄڻن شهادت ماڻي.
العودي اسپتال تي اسرائيلي بمباري سبب 2 ڄڻا زخمي ٿي پيا، جڏهن ته ايمرجنسي شعبي کي نقصان رسيو، اسرائيلي فورسز العودي اسپتال خالي ڪرڻ جو حڪم ڏيئي ڇڏيو آهي.
اتر غزا جي علائقي الزوائده ۾ ڪارتي ڊرون حملي ۾ 2 ڄڻا شهيد ٿي ويا، اهڙي طرح اسرائيلي اسرائيلي آبادڪارن جي اولهندي ڪناري تي حملي ۾ 9 ڄڻا زخمي ٿي پيا ۽ پنجن گاڏين کي باهه ڏيئي ساڙيو ويو.
غزا ۾ 7 آڪٽوبر 2023 کان هيل تائين 45 هزار 658 ماڻهو شهيد ۽ هڪ لک 8 هزار 583 ماڻهو زخمي ٿي چڪا آهن- Advertisement -
