غزه ۾ نسل ڪشي فوري طور روڪي وڃي، حماس شهري يرغمالين کي آزاد ڪري ايران حوالي ڪرڻ لاءِ تيار آهي : ايراني پرڏيهي وزير

ايران جي پرڏيهي وزير حسين امير عبداللهيان چيو آهي ته غزه ۾ نسل ڪشي فوري طور روڪي وڃي، حماس شهري يرغمالين کي آزاد ڪري ايران حوالي ڪرڻ لاءِ تيار آهي. گڏيل قومن جي جنرل اسيمبلي اجلاس کي خطاب ڪندي ايراني پرڏيهي وزير چيو ته حماس شهري يرغمالين کي آزاد ڪرڻ لاءِ تيار آحي، دنيا کي فلسطينين جي آزادي جي به حمايت ڪرڻ گھرجي. هن چيو ته سندن ملڪ اسرائيل-حماس جنگ وڌڻ جو حامي نه آهي، غزه ۾ نسل ڪشي جاري رهي ته امريڪا به ان باهه کان بچي نه سگھندو. سندس چوڻ هو ته غزه ۾ اسرائيلي ڏوهه روڪرائڻ لاءِ يو اين جنرل اسيمبلي ۾ ٺهراءُ آڻڻ جي ڪوشش ڪري رهيا آهن. ايراني پرڏيهي وزير وڌيڪ چيو ته هو اسرائيل جي جنگي ڏوهه ڏسي رهيا آهن، ڪجهه يورپي ملڪ اسرائيلي قابض حڪومت جي حمايت ڪري رهيا آهن….