غير قانوني ترسيل پرڏيهين کي واپسي لاءِ ڊيڊ لائن جو اڄ آخري ڏينهن

غيرقانوني پرڏيهين کي ملڪ ڇڏڻ لاءِ  اڄ آخري ڏينهن رهي ويو آهي،  نگران وفاقي گهرو وزير سرفراز بگٽي جو چوڻ آهي ته پهرين نومبر کانپوءِ غير قانوني پرڏيهين خلاف جامع آپريشن ٿيندو. اختيارين موجب سڪيورٽي فورسز وڏي پئماني تي ميپنگ، جيو فينسنگ ڪري شڪين جي نشاندهي ڪئي آهي، 31 آڪٽوبر بعد غيرقانوني پرڏيهين جو ملڪيتون به ضبط ڪيو ويندو. ان سلسلي ۾ نگران گهرو وزير سرفراز بگٽي چيو ته غيرقانوني پرڏيهين کي ملڪ ڇڏڻ لاءِ اڄوڪو ڏينهن آهي، پهرين نومبر کانپوءِ غيرقانوني پرڏيهين خلاف جامع آپريشن ٿيندو. هن چيو ته سمورن پرڏيهين کي ڪڍڻ ۾ ٻه کان ٽي مهينا لڳندا، پندرهن کان 20 هزار پرڏيهي رضاڪاراڻي طور  پاڪستان مان وڃي چڪا آهن.