فقير آباد ۾ شهرين ۽ دڪاندارن طرفان صفائي سٿرائي نه ڪرائڻ تي ٽائون چيئرمين خلاف احتجاجي مظاهرو

فقير آباد ۾ شهرين ۽ دڪاندارن طرفان صفائي سٿرائي نه ڪرائڻ تي ٽائون چيئرمين خلاف احتجاجي مظاهرو ڪيو ويو.

شهرين ۽ دڪاندارن طرفان مک چوڪ تي احتجاجي مظاهرو ڪري نعريبازي ڪئي وئي.

احتجاج ڪندڙن ميڊيا سان ڳالهائيندي چيو ته شھر جو ڊرينيج سسٽم مڪمل طور ناڪارا ھجڻ ڪري نالين جو گندو پاڻي دڪانن آڏو بيهڻ سبب ڪاروبار متاثر ٿيڻ لڳو آهي.

هنن چيو ته ٽائون ڪميٽي ۾ شڪايتون کڻي ويا آھن پر چيئرمين جو موجود نه ھجڻ جي ڪري ملازم به ڊيوٽي تي نه پيا اچن.

احتجاج ڪندڙن اعليٰ اختيارين کان مطالبو ڪيو ته شهر ۾ صفائي سٿرائي ڪرائي نيڪال جو سسٽم بحال ڪري بيچيني ختم ڪئي وڃي……..