فلسطين ۾ اسرائيلي بربريت تي باراڪ اوباما ۽ برني سينڊرز به خاموشي ٽوڙي ڇڏي

فلسطين ۾ اسرائيلي بربريت تي باراڪ اوباما ۽ برني سينڊرز به خاموشي ٽوڙي ڇڏي. آمريڪا جي اڳوڻي صدر باراڪ اوباما چيو آهي ته  فلسطين ۾ جيڪو ڪجهه ٿي رهيو آهي اهو برداشت جهڙو ناهي. سندس چوڻ هو ته  ڪنهن نه ڪنهن حد تائين هو سڀ ان ۾ شريڪ آهن. آمريڪي سينيٽر برني سينڊرز جو چوڻ آهي ته غزا جي تباهي جديد دور جون سڀ کان وڌيڪ خوفناڪ گهڙيون آهن. غزا جنگبندي جي لاءِ آمريڪي شوبز شخصيتن به آمريڪي صدر جوبائيڊن جي نالي کليل خط لکيو آهي جنهن تي هالي ووڊ جي سوين اداڪارن ۽ گلوڪارن صحيحون ڪيون آهن. جنگبندي جي لاءِ لکيل خط تي صحي ڪندڙن ۾ سيلينا گومز ۽ جنيفرلوپيز به شامل آهي.