مخالف معاشي تباهي پيدا ڪري ڏڦيڙ پکيڙڻ جي ڪوشش پيا ڪن: بچاءَ واري وزير خواجه آصف

بچاءَ واري وزير خواجه آصف چيو آهي ته معيشيت آءِ سي يو ۾ هاڻي ساهه کڻڻ شروع ڪري ڇڏيو آهي، مخالف معاشي تباهي پيدا ڪري ڏڦيڙ پکيڙڻ جي ڪوشش پيا ڪن، ملڪ جي خوشحالي ۽ حفاظت مخالفن جي اوليت ناهي. سيالڪوٽ ۾ تقريب کي خطاب ڪندي خواجا محمد آصف چيو ته عوام کي صحت جون سهولتون فراهم ڪرڻ ترجيح آهي، صحت جي شعبي جي حوالي سان قدم کڻي رهيا آهن، ٻهراڙي وارن علائقن ۾ ڪلينڪس آن ويلز نعمت کان گهٽ ناهي. سندس چوڻ هو ته اسپتال ۾ ڪينسر يونٽ به ٺاهيا ويندا، موبائل ڪلينڪس سان عام شهرين کي صحت جي سهولت گهر جي دروازي تي ملندي، وزيراعليٰ مريم نواز نئين وقت جي گهرجن موجب قدم کڻي رهي آهي. بچاءَ واري وزير خواجه آصف چيو ته تعليمي ادارن، اسپتال ۽ روڊن تي پنجاب حڪومت جو فوڪس آهي، مريم نواز جي قدمن سان عام شهرين جي زندگي آسان ٿي رهي آهي. هن چيو ته معيشيت آءِ سي يو ۾ هاڻي ساهه کڻڻ شروع ڪري ڇڏيو آهي، مخالف معاشي تباهي پيدا ڪري ڏڦيڙ پکيڙڻ جي ڪوشش پيا ڪن، ملڪ جي خوشحالي ۽ حفاظت مخالفن جي اوليت ناهي. بچاءَ واري وزير خواجه آصف چيو ته چيف جسٽس کي هاڻي دبنگ چئي رهيا آهن جلد آرمي چيف کي به دبنگ چوندا، پنجاب سميت سموري ملڪ جو مستقبل محفوظ هٿن ۾ آهي، نئون نسل سياسي قيادت سنڀالڻ وڃي رهيو آهي.