مختلف سياسي اڳواڻن ۽ اهم شخصيتن پاران ووٽ ڪاسٽ ڪيا پيا وڃن

سنڌ سميت سڄي ملڪ ۾ عام چونڊن لاءِ پولنگ جو عمل جاري  آهي. صدر عارف علوي ڪراچي ۽ اڳوڻي وزيراعظم شهباز شريف لاهور جي تڪ اين اي جي پولنگ اسٽيشن 82 تي پنهنجو ووٽ ڪاسٽ ڪري ڇڏيو. شهيد راڻي بينظير ڀٽو جي نياڻي آصفه ڀٽو زرداري نوابشاهه ۾ پنهنجو ووٽ ڪاسٽ ڪيو. سنڌ جي اڳوڻي وڏي وزير مراد علي شاهه سيوهڻ ۾ پنهنجو ووٽ ڪاسٽ ڪرايو. جي يو آءِ سربراهه مولانا فضل الرحمان ڊيرا اسماعيل خان ۾ پنهنجو ووٽ ڪاسٽ ڪيو. نگران وفاقي وزير مرتضيٰ سولنگي اين اي 46 تي ووٽ ڪاسٽ ڪري ڇڏيو. اڳوڻي وفاقي وزير خورشيد شاهه سکر ۽ پ پ اڳواڻ نثار کهڙو لاڙڪاڻي ۾ پنهنجو ووٽ ڪاسٽ ڪيو. اڳوڻي صوبائي وزير سعيد غني ڪراچي جي  چنيسر ڳوٺ ۽ جيڪب آباد جي تڪ اين اي 190 تي پ پ اميدوار مير اعجاز جکراڻي ووٽ ڪاسٽ ڪري ڇڏيو. بلوچستان هاءِ ڪورٽ جي چيف جسٽس نعيم اختر افغان پنهنجي گهر واري  سميت ڪوئيٽا ۾ ووٽ ڪاسٽ ڪيو. اسلام آباد جي تڪ اين اي 47 ۽ 48 تي بيٺل آزاد اميدوار مصطفيٰ نواز کوکر به پنهنجو ووٽ ڪاسٽ ڪري ڇڏيو.