مذهبي معاملن واري وزارت حج دوران گرميءَ سبب 35 پاڪستاني فوت ٿيڻ جي تصديق

مذهبي معاملن واري وزارت حج دوران گرميءَ سبب 35 پاڪستاني فوت ٿيڻ جي تصديق ڪئي آهي. پاڪستان جي حج مشن جي ڊائريڪٽر جنرل عبدالوهاب سومري موجب حج دوران گرمي پد 50 ڊگري سينٽي گريڊ کان وڌيڪ رڪارڊ ڪيو ويو، جنهن سبب هي هڪ ڏکيو حج هو. هن چيو ته مني ۾ 4، عرفات ۾ 3، مزدلفه ۾ 2 پاڪستاني فوت ٿي، جڏهن ته ويهه پاڪستان حاجي مڪي ۽ 6 مديني ۾ فوت ٿيا آهن. عبدالوهاب سومري، حاجين کي بي يارومددگار ڇڏڻ وارن الزامن کي بنياد قرار ڏيندي چيو ته هو سعودي حڪومت جي ڄاڻ تي ڀروسو ڪري پوءِ پاڻ به تصديق ڪندا آهن. مذهبي معاملن واري وزارت جو چوڻ آهي ته ڪنهن به حاجيءَ جي وفات تي کين اطلاع ڏنو ويندو آهي، سعودي حڪومت جي نظام تحت وارثن کان تدفين جي اجازت ورتي ويندي آهي……..