مصر ۾ ماڊل عورت شادي جي ٻئي ڏينهن تي مڙس گنجو نڪرڻ تي  طلاق وٺي ڇڏي

مصر ۾ ماڊل عورت شادي جي ٻئي ڏينهن تي مڙس گنجو نڪرڻ تي  طلاق وٺي ڇڏي. عرب ميڊيا جي رپورٽ موجب متاثر عورت جي وڪيل ٻڌايو ته سندس اصيل کي شادي تائين گهوٽ گنجو هئڻ بابت بي خبر رکيو. وڪيل ٻڌايو ته سندس اصيل مصري ماڊل آهي ۽ سندس مڙس پيشي جي لحاظ کان انجنيئر آهي، عورت کان مڱڻي وقت به نوجوان پنهنجي گنجي هجڻ جي ڳالهه لڪائي. عورت جي وڪيل چيو ته شادي جي ڏينهن نوجوان وڳ پائي تقريب ۾ شرڪت ڪئي، شادي جي ٻئي ڏينهن تي ڪنوار مڙس کي گنجو ڏسي صدمي ۾ اچي وئي، جنهن بعد عورت پنهنجي مڙس کان گنجو هجڻ واري ڳالهه لڪائڻ بابت سوال ڪيو، جنهن تي ٻنهي وچ ۾ جهيڙو ٿيو. مصري ماڊل عورت دوکو ڏيڻ جو الزام هڻي مڙس کان طلاق جي گهر ڪئي، ان تي مڙس زال مٿان تشدد ڪري طلاق ڏيڻ کان انڪار ڪيو. مڙس جي هوڏ سبب عورت ڪجهه ڏينهن ۾ پيڪي هلي وئي ۽ مڙس کان خلع وٺڻ جي دعويٰ داخل ڪئي. عدالت  جوڙي وچ ۾ خلع جو حڪم جاري ڪيو، جنهن کانپوءِ عورت کي سمورو سامان واپس نه ملي سگهيو..