ملير ۾ شاهه لطيف پوليس ڪارروائي، 4 جوابدار گرفتار، منشيات هٿ

ملير ۾ شاهه لطيف پوليس ڪارروائي ڪندي هڪ ڪروڙ رپين جي منشيات هٿ ڪري ٻن عورتن سميت 4 جوابدارن کي گرفتار ڪرڻ جي دعويٰ ڪئي آهي. ايس ايس پي ملير ڪاشف آفتاب عباسي جو چوڻ آهي ته گرفتار جوابدارن جي سڃاڻپ نصري عرف پرویز، شير دل، عورتن ۾ خالدہ ۽ بلقيس طور ٿي آهي. ايس ايس پي موجب جوابدار تربت کان ڪار ذريعي منشيات ڪراچي کڻي اچي رهيا هئا. ايس ايس پي ملير جو چوڻ آهي ته جوابدار واٽس ايپ ذريعي منشيات وڪرو ڪندا هئا. سندس چوڻ هو ته گرفتار جوابدارن وٽان 15 ڪلو چرس، 2 ڪلو آفيم، 10 ڪلو آئيس هٿ ڪئي وئي آهي جنهن جي عالمي مارڪيٽ ۾ قيمت هڪ ڪروڙ رپيا آهي. ايس ايس پي ملير موجب جوابدارن کان پڇا ڳاڇا جو عمل جاري آهي، منشيات جي هن ڪڌي عمل ۾ عورت جوابدار به شامل آهن. ايس ايس پي ملير جو چوڻ هو ته جوابدارن کان منشيات وٺندڙن خلاف به ڪارروائي ڪئي ويندي……….