مولانا فضل الرحمان مدرسن جي رجسٽريشن واري بل تي صدر جي صحي نه ٿيڻ تي ڳڻتيءَ جو اظهار

جي يو آءِ سربراهه مولانا فضل الرحمان مدرسن جي رجسٽريشن واري بل تي صدر جي صحي نه ٿيڻ تي ڳڻتيءَ جو اظهار ڪيو آهي. پ پ چيئرمين بلاول ڀٽو زرداري مولانا فضل الرحمان سان ملاقات لاءِ سندس اسلام آباد واري رهائشگاهه پهتو، جتي مولانا سندس آجيان ڪئي. ملاقات ۾ ملڪي سياسي صورتحال تي خيالن جي ڏي وٺ ڪئي وئي. مولانا فضل الرحمان مدرسن جي رجسٽريشن واري بل تي صدر جي صحي نه ٿيڻ تي ڳڻتي جو اظهار ڪيو. مولانا فضل الرحمان جو چوڻ هوته ٻنهي ايوانن مان منظوريءَ باوجود صدر مدرسن جي رجسٽريشن واري بل تي صحي ڇو ناهي ڪئي؟ بلاول ڀٽو زرداريءَ مولانا کي خاطري ڪرائي ته بل تي صحي نه ٿيڻ بابت هو حڪومت سان ڳالهائيندو.