- Advertisement -
ميرپور خاص ۾ شادي تقريب ۾ زهريلو کاڌو کائڻ سبب عورتن ۽ ٻارن سميت 50 کان وڌيڪ ڄاڃي بيهوش ٿي ويا جن کي طبي امداد لاءِ سول اسپتال آندو ويو.
جهڙٻي جي رهواسي ملڪ برادري جي ڄڃ ميرواه گورچاڻي ويجهو ٻيلاڙو شاخ تي وٽ هال ۾ آئي جتي زهريلو کاڌو کائڻ سبب 50 کان وڌيڪ ڄاڃي بيهوش ٿي ويا.
بيهوش ٿيلن ۾ عورتون ۽ ٻارڙا به شامل آهن جن کي طبي امداد لاءِ سول اسپتال ميرپور خاص آندو ويو.
ان موقعي تي وارثن ٻڌايو ويجهو مائٽن جي ڄڃ ۾ ويا هئا جتي وڏي جي گوشت جو قورمو کائڻ سبب سندن 50 کان وڌيڪ ماڻهن جي حالت خراب ٿي وئي.
هوڏانهن ڊاڪٽرن جو چوڻ آهي ته مطابق دعوت ۾ کاڌو کائڻ سبب فوڊ پوائزنگ ٿي آهي,بيهوش ٿيندڙن جو علاج جاري آهي، ڪجهه دير ۾ حالت صحيح ٿي ويندي.- Advertisement -
