نئين ديري شهر ۾ موٽر سائيڪلن جي چورين ۾ پوليس اهلڪارن جي ملوث هجڻ جو انڪشاف

نئين ديري شهر ۾ موٽر سائيڪلن جي چورين ۾ پوليس اهلڪارن جي ملوث هجڻ جو انڪشاف ٿيو آهي. ان حوالي سان شهرين جو چوڻ آهي ته سي سي ٽي وي فٽيجز ۾ ڏسي سگهجي ٿو ته سٽي پوليس جو انچارج سيد ذوالفقار شاھ، شهري فياض احمد ڪنڌر جي گهر ٻاهران بيٺل موٽرسائيڪل جو تالو ٽوڙي گاڏي چوري ڪرائي رهيو آهي. شهري فياض احمد ڪنڌر جو چوڻ آهي ته سي سي ٽي وي فوٽيجز هٿ اچڻ بعد چوري واقعي جي اين سي نئون ديرو ٿاڻي تي داخل ڪرائي وئي آهي. ايس ايڇ او شاهد ميمڻ جو چوڻ آهي ته واقعي جي وڊيو هن به ڏٺي آهي، سٽي گشت انچارج جو موبائل نمبر بند پيل آهي، جيئن ئي رابطو ٿيندو ته حقيقتون سامهون اچي وينديون. شهرين جو چوڻ آهي ته ذوالفقار شاهي جي گشت انچارج مقرر ٿيڻ بعد چورين جي واقعن ۾ تمام گهڻو اضافو ويو ويو، جنهن مان لڳي پيو ته وارداتن ۾ پوليس سڌيءَ ريت ملوث آهي.