- Advertisement -
نئين چونڊيل آمريڪي صدر ڊونلڊ ٽرمپ سوزي وائلز کي وائيٽ هائوس جو چيف آف اسٽاف مقرر ڪري ڇڏيو.
پرڏيهي ميڊيا جو چوڻ آهي ته سوزي وائلز چونڊ مهم ۾ ڊونلڊ ٽرمپ جي مئنيجر هئي.
پرڏيهي ميڊيا موجب، 67ورهين جي سوزي وائلز آمريڪي تاريخ ۾ هن عهدي تي مقرر ٿيندڙ پهرين عورت هئڻ جو اعزاز حاصل ڪري ورتو.
پرڏيهي ميڊيا جو چوڻ آهي ته سوزي وائلز ناليواري فٽبالر ڪاسٽر پيٽ سمرال جي نياڻي آهي.
صدارتي چونڊ ۾ ڪاميابي بعد ڊونلڊ ٽرمپ جو چوڻ آهي ته سوزي وائلز آمريڪي تاريخ جي سڀ کان وڌي سياسي ڪاميابين مان هڪ حاصل ڪرڻ ۾ سندس مدد ڪئي.
هن چيو ته سوزي وائلز سندس 2016ع ۽ 2020ع واري ٻنهي ڪاميابين جو هڪ لازمي حصو هئي.
نئين چونڊيل آمريڪي صدر ڊونلڊ ٽرمپ چيو ته سوزي وائلز مضبوط ۽ هوشيار آهي، سندس عالمي سطح تي ساراهه ۽ احترام ڪيو ويندو آهي.- Advertisement -
