ننگرپارڪر: هڪ ڀيرو ٻيهر روڊ جي ڪم ۾ ڪارونجهر جبل جي ڪريش ريتي بجري استعمال ٿيڻ لڳي

ننگرپارڪر ۾ هڪ ڀيرو ٻيهر ڊيم۽ روڊ جي ڪم ۾ ڪارونجهر جبل جي ڪريش، ريتي ۽ بجري استعمال ٿيڻ جو انڪشاف ٿيو آهي. اڳوڻي ڊي سي ٿرپارڪر جي حڪم کي ٺيڪيدار مافيا هوا ۾ اڏائي ڇڏيو. علائقي واسين جو چوڻ آهي ته ٺيڪيدار پاران تاريخي ماڳ ڪارونجهر جبل جو پٿر ڊيم ۽ روڊ جي ڪم ۾استعمال ڪيو پيو وڃي. ٻي پاسي معدنيات کاتي جي ڊپٽي ڊائريڪٽر صديق مڱريو جو چوڻ هو ته ڪارونجهر جبل جي ڪٽائي ۽ کوٽائي تي پابندي آهي. هن چيو ته تاريخي ماڳ ڪارونجهر جبل جي ريتي، بجري استعمال ڪندڙ ٺيڪيدار خلاف قانوني ڪارروائي ٿيندي.