نوابشاهه ۾ ايريگيشن ورڪرز يونين پاران ايس ڊي او جي مبينا زيادتين خلاف ڪم ڇڏ هڙتال

نوابشاهه ۾ ايريگيشن ورڪرز يونين پاران ايس ڊي او جي مبينا زيادتين خلاف ڪم ڇڏ هڙتال ڪئي وئي. عثمان ڏاهري، علي بخش زرداري، فقير گدا حسين ۽ ٻين ميڊيا سان ڳالهائيندي الزام هڻندي چيو ته ايس ڊي او ذوالفقار کوسو آبپاشي نصرت ڊويزن ۾ ڪروڙين رپين جي ڪرپشن ڪئي آهي. هنن چيو ته ايس ڊي او ملازمن کي ناجائز ڪم چوي ٿو جيڪو ملازم سندس ناجائز ڪم نٿو ڪري پگهار بند ڪري ٿو ڇڏي. احتجاج ڪندڙ ملازمن اعليٰ اختيارين کان مطالبو ڪيو ته راشي آفيسر کي هٽائي ملازمن سان انصاف ڪيو وڃي.