نيو سعيد آباد ويجهو وونئڻ جي فصل مان اڌڙوٽ شخص جو لاش

نيو سعيد آباد ويجهو وونئڻ جي فصل مان اڌڙوٽ شخص جو لاش هٿ آيو آهي. قومي شاهراهه ويجهو وونئڻ جي فصل ۾ لاش ڏسي زمين جي مالڪ پوليس کي اطلاع ڏنو. اطلاع ملڻ بعد پوليس واقعي واري هنڌ پهچي اڌڙوٽ جو لاش کڻائي اسپتال منتقل ڪيو، جتي پوسٽ مارٽم ڪيو ويو. پوليس جو چوڻ آهي ته لاش تي ڌڪن جا نشان آهن، پوسٽ مارٽم رپورٽ اچڻ بعد معلوم ٿيندو ته حادثي ۾ فوت ٿيو آهي يا کيس ڪنهن قتل ڪيو آهي. ٻي پاسي علائقي ۾ چئوٻول آهن ته فوتي درويش صفت انسان هو ، جيڪو گاڏي جي ٽڪر ۾ فوت ٿيو آهي.