نگران وزيراعظم انوارالحق ڪاڪڙ چين جو دورو مڪمل ڪري اسلام آباد پهچي ويو

نگران وزيراعظم انوارالحق ڪاڪڙ چين جو دورو مڪمل ڪري اسلام آباد پهچي ويو. دوري دوران نگران وزيراعظم چين جي بيلٽ اينڊ روڊ منصوبي جي ٽئين فورم ۾ پاڪستاني وفد جي قيادت ڪئي. وزيراعظم آفيس جي ميڊيا ونگ پاران جاري بيان موجب دوري دوران نگران وزيراعظم گڏيل قومن جي سيڪريٽري جنرل، چيني ۽ روسي صدرن، چين جي وزيراعظم ۽ ڪميونسٽ پارٽي جي عهديدارن ۽ ٻين ملڪن جي اڳواڻن سان ملاقاتون ڪيون. نگران وزيراعظم ملڪ ۾ سيڙپڪاري جي فروغ جي لاءِ چيني ڪاروباري شخصيتن ۽ سيڙپڪارن سان پڻ ملاقاتون ڪيون. بعد ۾ نگران وزيراعظم چين جي شهر ارومچي جو دورو ڪيو جتي هن ارومچي جي سياسي قيادت، ڪاروباري شخصيتن ۽ ارومچي ۾ تعليم پرائيندڙ پاڪستاني شاگردن سان ملاقات ڪئي……..