- Advertisement -
سياسي ۽ فوجي قيادت ملڪي سلامتي تي ڪنهن به قسم جي سوديبازي نه ڪرڻ جو عزم ورجايو آهي، نگران وزيراعظم انوار الحق ڪاڪڙ جو چوڻ آهي ته سندن جواب اثرائتو ۽ هدف حاصل ڪرڻ تي ٻڌل هو، پاڪستان پرامن ملڪ ۽ سمورن پاڙيسري ملڪن سان برابري جي بنياد تي لاڳاپن جو خواهشمند آهي.
نگران وزيراعظم انوار الحق ڪاڪڙ جي صدارت هيٺ قومي سلامتي ڪميٽيءَ جو اعليٰ سطحي اجلاس ٿيو.
اجلاس ۾ آرمي چيف جنرل عاصم منير سميت ٽنهي هٿياربند فوجن جي سربراهن، نگران گهرو وزير ۽ ٻين شرڪت ڪئي.
قومي سلامتي ڪميٽي جي اجلاس ۾ پاڪ ايران ڇڪتاڻ تي غور ويچار ڪيو ويو ۽ پرڏيهي وزارت جي اختيارين طرفان بريفنگ ڏني وئي.
اجلاس ۾ نگران پرڏيهي وزير جليل عباس جيلاني سفارتي سطح ۽ فوجي اختيارين پاڪ ايران سرحدي صورتحال تي آگاهي ڏني.
ذريعن موجب اجلاس ۾ شرڪت ڪندڙن ايراني اڳرائي جي جواب ۾ اثرائتي ڪارروائي تي هٿياربند فوج کي ڀيٽا پيش ڪئي.
قومي سلامتي ڪميٽي پاڪستان جي سلامتي ۽ خودمختياري جو هر قيمت تي تحفظ ڪرڻ جو عزم ورجايو.
نگران وزيراعظم انوار الحق ڪاڪڙ جو چوڻ هو ته پاڪستان پرامن ملڪ ۽ سمورن پاڙيسري ملڪن سان برابري جي بنياد تي لاڳاپن جو خواهشمند آهي، قومي سلامتي تي ڪنهن به قسم جي سوديبازي نه ڪئي ويندي.
ذريعن موجب اجلاس ۾ دهشتگردي جي لعنت جي خاتمي لاءِ انٽيليجنس بنياد تي ڪارروايون جاري رکڻ تي اتفاق ڪيو ويو.- Advertisement -
