نگران وزيراعظم طرفان چيني صدر جي آجياڻي ۾ شرڪت

نگران وزيراعظم انوارالحق ڪاڪڙ، چيني صدر شي جن پنگ طرفان عالمي اڳواڻن کي ڏنل آجياڻي ۾ شرڪت ڪئي آهي. چيني صدر شي جن پنگ طرفان ٽئين بيلٽ اينڊ روڊ فورم  ۾ شريڪ عالمي اڳواڻن جي مان ۾ آجياڻو ڏنو، جنهن ۾  نگران وزيراعظم انوار الحق ڪاڪڙ شرڪت ڪئي، جتي چيني صدر ۽ خاتون اول سندس شاندار آڌر ڀاءُ ڪيو. نگران وفاقي ڪابينا جي ميمبرن به آجياڻي ۾ شرڪت ڪئي، آجياڻي ۾ روس، ڪينيا، ايٿوپيا، منگوليا، هنگري، سريلنڪا ۽ ٻين ملڪن جي اڳواڻن شرڪت ڪئي. انوار الحق ڪاڪڙ آجياڻي ۾ شريڪ عالمي اڳواڻن سان غير رسمي ملاقاتون پڻ ڪيون. نگران وزيراعظم آجيان جي موقعي تي گريٽ هال آف پيپلز آمد پڻ ٿي.