هاڻي خونريزي کي ختم ڪرڻ ۽ ڳالهين ذريعي معاملن کي حل ڪرڻ جو وقت آهي : ڊونلڊ ٽرمپ

آمريڪي صدر ڊونلڊ ٽرمپ يوڪريني هم منصب ولاديمير زيلنسڪي سان وائيٽ هائوس ۾ ملاقات ڪئي آهي. ولاديمير زيلنسڪي سان ملاقات دوران آمريڪي صدر چيو ته هاڻي خونريزي کي ختم ڪرڻ ۽ ڳالهين ذريعي معاملن کي حل ڪرڻ جو وقت آهي، ٻئي ڌرين پاڻ کي فاتح قرار ڏين ۽ فيصلو تاريخ تي ڇڏڻ گهرجي. آمريڪي صدر چيو ته ٽوماهاڪ ميزائل يوڪرين موڪلڻ بابت ڳالهائيندا ۽ اميد آهي ته ٽوماهاڪ کانسواءِ ئي يوڪرين روس جنگ بندي ۾ ڪامياب ٿيندو. ان موقعي تي يوڪرين جي صدر زيلنسڪي چيو ته کين يوڪرين ۾ جنگ بندي گهرجي ۽ هو صدر ٽرمپ جي مدد سان يوڪرين ۾ جنگ بندي لاءِ پراميد آهي.