وزيراعظم ۽ بلاول ڀٽو زرداري ۾ اڄ ملاقات ٿيندي

وزيراعظم شهباز شريف ۽ پ پ چيئرمين بلاول ڀٽو زرداري وچ ۾ اهم ملاقات طئي ٿي آهي. ذريعن موجب، اعليٰ سطحي حڪومتي اتحاد جو اجلاس سڀاڻي وزيراعظم هائوس ۾ گهرايو ويندو. ذريعن جو چوڻ آهي ته اجلاس ۾ حڪومتي ۽ اتحادي پارٽين جا سربراهه شرڪت ڪندا. ذريعن موجب، وزيراعظم سان ملاقات لاءِ سڀاڻي پ پ چيئرمين بلاول ڀٽو زرداري اسلام آباد پهچندو. ذريعن جو چوڻ آهي ته پ پ چيئرمين بلاول ڀٽوزرداري وزيراعظم هائوس ۾ اعليٰ سطحي حڪومتي اتحادي اجلاس ۾ شرڪت ڪندو. ذريعن موجب، اعليٰ سطحي اجلاس ۾ حڪومت جا انتظامي معاملا بحث هيٺ ايندا، پ پ چيئرمين بلاول ڀٽو زرداري حڪومت سان معاهدن تي پارٽي خدشا وزيراعظم شهباز شريف اڳيان رکندو، پنجاب ۾ ترقياتي فنڊن جي عدم فراهمي سميت اهم معاملا بحث هيٺ ايندا.