وزيراعليٰ هائوس آمد تي سنڌ جي نگران وڏي وزير جسٽس (ر) مقبول باقر جي اعزاز ۾ گارڊ آف آنرز

سنڌ جي نگران وڏي وزير جسٽس رٽائرڊ مقبول باقر کي وزيراعليٰ هائوس آمد تي گارڊ آف آنر پيش ڪيو ويو.

 نگران وڏو وزير جسٽس رٽائرڊ مقبول باقر وزيراعليٰ هائوس پهچي ويو.

وزيراعليٰ هائوس جي لان ۾ گارڊ آف آنرز جي تقريب ڪوٺائي وئي جنهن ۾ چيف سيڪريٽري سهيل راجپوت، وقتي آءِ جي پوليس عمران يعقوب منهاس، صوبائي سيڪريٽري ۽ ٻين شرڪت ڪئي.

ترجمان جو چوڻ آهي ته نگران وڏي وزير جسٽس رٽائرڊ مقبول باقر کي پوليس جي دستي پاران سلامي ڏني وئي.

ترجمان موجب، نگران وڏي وزير جسٽس رٽائرڊ مقبول باقر پوليس جي دستن جو معائنو ڪيو.

ترجمان جو چوڻ آهي ته نگران وڏي وزير جسٽس رٽائرڊ مقبول باقر سلامي بعد آفيسرن سان ملاقات ڪئي.

ترجمان موجب، چيف سيڪريٽري، نگران وڏي وزير جسٽس رٽائرڊ مقبول باقر جو آفيسرن سان تعارف ڪرايو.