وفاقي سرڪار ايندڙ پندرنهن ڏينهن لاءِ پيٽروليم شين جي نين قيمتن جو اعلان ڪري ڇڏيو

وفاقي سرڪار ايندڙ پندرنهن ڏينهن لاءِ پيٽروليم شين جي نين قيمتن جو اعلان ڪري ڇڏيو. حڪومت هاءِ اسپيڊ ڊيلز جي قيمت ۾ واڌ ڪري ڇڏي جڏهن ته پيٽرول جي قيمت برقرار رکي وئي آهي. ناڻي واري وزارت پيٽروليم شين جو نوٽيفڪيشن جاري ڪري ڇڏيو جنهن موجب هاءِ اسپيڊ ڊيزل جي اگهه ۾ 5 رپيا في لٽر اضافو ڪري نئين قيمت 251 رپيا 29 پيسا في لٽر مقرر ڪئي وئي آهي. پيٽرول جي قيمت 247 رپيا 3 پيسا في لٽر تي برقرار آهي. نوٽيفڪيشن موجب، پيٽروليم شين جا نوان اگهه رات ٻارهين وڳي کان لاڳو ٿي ويا آهن.