وفاقي ڪابينا بجليءَ جي بنيادي اگهن ۾ اضافي جي منظوري ڏئي ڇڏي

وفاقي ڪابينا بجليءَ جي بنيادي اگهن ۾ اضافي جي منظوري ڏئي ڇڏي، وفاقي ڪابينا سرڪيوليشن سمري ذريعي بجليءَ جي بنيادي اگهن ۾ منظوري ڏني، نيپرا جي منظوري کانپوءِ حڪومت بجلي جي بنيادي اگهه ۾ اضافي جو نوٽيفڪيشن جاري ڪندي، آءِ ايم ايف جي شرط تحت وفاقي سرڪار کي 10 جولاءِ تائين بنيادي اگهن ۾ اضافو ڪرڻو پوندو. ذريعن جو چوڻ آهي ته آءِ ايم ايف جي هڪ ٻي وڏي شرط تي عمل ڪندي وفاقي ڪابينا بجلي جي بنيادي ٽيرف ۾ اضافي جي منظوري ڏئي ڇڏي. ذريعن موجب، نيپرا بجلي جي بنيادي اگهن ۾ 5 ڏهائي 27 رپيا اضافي جو فيصلو حڪومت کي اماڻيو هو، نيپرا بجلي جي بنيادي ٽيرف ۾ اضافي جو فيصلو مالي سال 25-2024ع لاءِ ڏنو هو. ذريعن جو چوڻ آهي ته نيپرا بجلي جي اگهه ۾ اضافو پهرين جولاءِ 2024ع کان ڪرڻ جو فيصلو ڏنو هو، نيپرا بجلي جي بنيادي ٽيرف 29 ڏهائي 78 مان وڌائي 35 ڏهائي 50 رپيا في يونٽ منظور ڪيو آهي. ذريعن موجب، نيپرا جي منظوري بعد حڪومت بجلي جي بنيادي اگهن ۾ اضافي جو نوٽيفڪيشن جاري ڪندي. ذريعن جو چوڻ آهي ته آءِ ايم ايف جي شرطن تحت وفاقي حڪومت کي 10 جولاءِ تائين بنيادي ٽيرف ۾ اضافو ڪرڻو پوندو.