وفاقي گهرو وزير محسن نقوي سان ڪي پي جي گورنر فيصل ڪريم ڪنڊي جي ملاقات ٿي آهي، صوبي ۾ امن امان جي صورتحال تي خيالن جي ڏي وٺ

وفاقي گهرو وزير محسن نقوي سان ڪي پي جي گورنر فيصل ڪريم ڪنڊي جي ملاقات ٿي آهي، صوبي ۾ امن امان جي صورتحال تي خيالن جي ڏي وٺ ڪئي وئي. خيبرپختونخواه جي گورنر فيصل ڪريم ڪنڊي وفاقي گهرو وزير محسن نقوي کي پيش ايندڙ سڪيورٽي چئلينجز کان آگاهه ڪيو. ڪي پي جي سرحدي علائقن ۾ سڪيورٽي قدمن ۽ خارجين خلاف جاري آپريشن تي پڻ ڳالهيون ڪيون ويون. وفاقي گهرو وزير محسن نقوي ڪي پي جي گورنر کي صوبي ۾ امن امان لاءِ هر ممڪن سهڪار جو يقين ڏياريو. وفاقي گهرو وزير محسن نقوي جو چوڻ هو ته خيبرپختونخواه ۾ امن قائم ڪرڻ سندن پهرين ترجيح آهي. سندس چوڻ هو ته وفاقي حڪومت ان سلسلي ۾ هر طرح سان سپورٽ ڪرڻ لاءِ تيار آهي. محسن نقوي جو چوڻ هو ته دهشتگردي خلاف جنگ ۾ ڪي پي جي عوام جي قربانين کي قدر جي نگاهه سان ڏسن ٿا. هن چيو ته خارجين ۽ ممدگارن جو خاتمو گڏيل قدمن سان ڪيو پيو وڃي. محسن نقوي جو چوڻ هو ته خارجين خلاف ڪنهن به قسم جي رعايت نه ڏني ويندي. ڪي پي جي گورنر فيصل ڪريم ڪنڊي جو چوڻ هو ته صوبي ۾ امن امان قائم ڪرڻ لاءِ وفاقي سهڪار اڻٽر آهي. سندس چوڻ هو ته دهشتگردي جي خاتمي لاءِ گڏيل ۽ مضبوط قدم کڻڻ جي ضرورت آهي….