وقتي صدر يوسف رضا گيلاني سينيٽ ۽ قومي اسيمبلي مان منظور ڇهن بلن تي صحيح ڪري ڇڏي

وقتي صدر يوسف رضا گيلاني سينيٽ ۽ قومي اسيمبلي مان منطور ڇهن بلن تي صحي ڪري ڇڏي جنهن کانپوءِ سمورا بل قانون بڻجي ويا. ذريعن جو چوڻ آهي ته قائم مقام صدر مملڪت آرمي ايڪٽ ترميمي بل، نيوي ايڪٽ ترميمي بل، ايئرفورسز ايڪٽ ترميمي بل تي صحيحون ڪري ڇڏي. وقتي صدر مملڪت سيد يوسف رضا گيلاني سپريم ڪورٽ ۽ اسلام آباد هاءِ ڪورٽ جي ججن جي انگ ۾ اضافي جي بل تي به صحي ڪري ڇڏي، وقتي صدر جي صحيحن کانپوءِ سمورا ڇهه ئي بل قانون بڻجي ويا. ياد رهي ته قومي اسيمبلي آرمي ايڪٽ ۽ ججز ايڪٽ ۾ ترميم جي بل جي منظوري ڏئي ڇڏي آهي، آرمي، نيوي ۽ ايئر فورس ايڪٽ ۾ ترميم جي تحت سروسز چيفس جو مدو هاڻي 3 مان وڌائي 5 سال ڪيو ويو آهي. قومي اسيمبلي سپريم ڪورٽ جي ججن جو انگ 34 ۽ اسلام آباد هاءِ ڪورٽ جي ججن جو انگ 9 مان وڌائي 12 ڪرڻ جو بل اتفاق راءِ سان منظور ڪري ورتو. قومي اسيمبلي کانپوءِ سينيٽ به انهن بلن جي منظوري ڏئي ڇڏي.