وڳڻ ويجهو  سيپڪو جي مبينا زيادتين خلاف ڳوٺاڻن پاران احتجاج

وڳڻ ويجهو  سيپڪو جي مبينا زيادتين خلاف ڳوٺاڻن پاران احتجاجي مظاهرو ڪري ڌرڻو هنيو ويو. ڳوٺ يارو ديرو جي رهواسين وزير پنهور، نظير لاشاري، اعجاز، سراج، برڪت ۽ ٻين جي اڳواڻي ۾ احتجاجي مظاهرو ڪري ڌرڻو هنيو ووي. ڳوٺاڻن جو چوڻ آهي ته هر مهيني بل جي ادائگي باوجود سيپڪو عملو ٽرانسفارمر لاهي ويو آهي. مظاهرين چيو ته بجلي بند هجڻ ڪري  ڏينهن جو گرمي ۽ رات جو مڇرن جي آزار سبب ڳوٺاڻن جو جيئڻ جنجال ٿي ويو آهي. هنن اعليٰ اختيارين کان مطالبو ڪيو ته  معاملي جو نوٽيس وٺي فوري طور ڳوٺ ۾ ٽرانسفارمر لڳائي بجلي جي فراهمي بحال ڪيو وڃي.