يوڪريني صدر زيلنڪسي فرانس سان معاھدي تي صحيح ڪري ڇڏي

يوڪريني صدر ولاديمير زيلنسڪي فرانس سان اهم دفاعي معاهدي تي صحي ڪئي آهي. پرڏيهي ميڊيا موجب، ان معاهدي تحت يوڪرين ايندڙ ڏهن سالن ۾ فرانس سان 100 رافيل جنگي جهاز، ڊرونز، ريڊارز، ايئر ڊفينس سسٽمز، سمارٽ گائيڊڊ بم ۽ ٻيو فوجي سامان خريد ڪندو. صدر زيلنسڪي پيرس ۾ فرانسيسي صدر سان گڏيل پريس ڪانفرنس ڪندي معاهدي کي تاريخي قرار ڏنو، هن چيو ته ان معاهدي سان يوڪرين جي ڊگھي مدي واري سڪيورٽي وڌيڪ مضبوط ٿيندي. ان موقعي تي فرانسيسي صدر ميڪرون معاهدي کي ٻنهي ملڪن جي اسٽريٽجڪ لاڳاپن ۾ هڪ نئين مرحلي جي شروعات قرار ڏنو. هن چيو ته معاهدي ۾ ڊرون، انٽرسيپٽر، گائيڊڊ ميزائل ۽ جديد هوائي دفاعي نظام شامل آهن جن جي پهرين کيپ ايندڙ ٽن سالن ۾ شروع ڪئي ويندي.